«Իշխանություններին չի հաջողվելու թալանել եւ բարոյալքել երկիրը: Այն բարոյական վերելքը, որն այսօր ունի մեր հասարակությունը, լուրջ «սպառնալիք» է այս իշխանության համար: Իրենք չեն ուզում հասկանալ դա: Մտածում են` «Քեթրինի Միհրանը» հրաժարական տվեց, եւ կրքերը կհանդարտվեն, բայց ոչ` Միհրանը դեռ իր երեխաներին Փարիզից պետք է հետ բերի Հայաստան, նա պետք է դատվի եւ նրա հետ` շատերը»,-ԴԱՀԿ պետ Միհրան Պողոսյանի հրաժարականն այսպես է մեկնաբանում Կրթության ազգային ինստիտուտի փոխտնօրեն, Երեւանի ավագանու «Բարեւ Երեւան» խմբակցության անդամ Անահիտ Բախշյանը:
«Պետք է դատվեն նաեւ նրանք, որոնց առանձնատների լուսանկարներն են սոցցանցերում տարածվում: Բոլոր պաշտոնյաները պետք է պատասխան տան եւ այդ «տարած» գումարներով զինեն մեր բանակը: Հերիք եղավ, բոլ եղավ` մեր երեխաներին կենդանի թիրախ դարձնեն»,-ապրիլի 19-ին «Ազատություն Լեւոն Հայրապետյանին» նախաձեռնող խմբի բողոքի ակցիայի ընթացքում լրագրողների հետ զրույցում ասաց Անահիտ Բախշյանը:
Լուիզա ՍՈՒՔԻԱՍՅԱՆ
