ՀՀ ԱԳ նախարարի տեղակալ Շավարշ Քոչարյանն ապրիլի 20-ին ընդունել է Հայաստանում Չինաստանի դեսպան Թիեն Ըրլունին:
Ինչպես տեղեկացնում է ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունը, հանդիպման ընթացքում քննարկվել են երկկողմ առևտրատնտեսական համագործակցության հարցեր: Այս համատեքստում ընդգծվել է փոխադարձ հետաքրքրություն ներկայացնող ոլորտներում համատեղ ծրագրերի իրականացման կարևորությունը:
Անդրադարձ է կատարվել Չինաստանի հետ Եվրասիական տնտեսական միության և իր անդամ պետությունների փոխգործակցության հնարավոր զարգացման և տվյալ ձևաչափի իրավա-պայմանագրային հիմքի ձևավորման հարցերին:
ԱԳՆ
