«Մենք կորցրել ենք տարածքներ, որոնք Լեռնային Ղարաբաղի Հանրապետության սահմանադրությամբ ամրագրված պետական սահմանի հատվածներ են»,- Ռազմավարական եւ ազգային հետազոտությունների կենտրոնի կողմից կազմակերպված սեմինարին դժգոհեց արցախյան պատերազմի մասնակից, ԼՂՀ Հադրութի բնակիչ Մարգարիտա Քարամյանը:
Նա դժգոհեց նաեւ, որ քառօրյա պատերազմում կորցրած տարածքների մասին սկզբնական ժամանակահատվածում չխոսվեց, իսկ հետո պաշտոնական մակարդակով վստահեցրին, որ այդ տարածքները չունեն ռազմավարական ու մարտավարական նշանակություն . «Շատ կարևոր հարց է, բոլորս հասկանանք, որ ոչ թե դիրք, տարածք, բնակավայր ենք կորցրել, այլ մեր հանրապետության պետական սահմանն է, որը խախտվել է, ճեղքվել է, որի արդյունքում ունենք զոհեր: Այդ տարածքները կորցնելու պատճառով ռմբակոծության տակ են Թալիշը, Մատաղիսը, Մարտակերտը: Այն, ինչ խոսում են, թե ռազմավարական կամ հոգեբանական նշանակություն չունեն այդ կորուստները, բացառապես սուտ են, որովհետեւ արդյունքում բոլորս հայտնված ենք ռմբակոծության տակ:
Ինչպես են պետական մակարդակով ասում, որ տարածքները մեզ համար նշանակություն չունեն, ո՞նց կարող է պետական սահմանը նշանակություն չունենալ պետության համար»:
Կարդացեք նաև
Արփինե ՍԻՄՈՆՅԱՆ
