Թուրքիայի փոխվարչապետ Նուման Քուրթուլմուշը «Թվիթեր» սոցիալական ցանցում գրառում է կատարել, որի միջոցով մեկնաբանել է 2016թ. հունիսի 2-ին Գերմանիայի խորհրդարանի ընդունած Հայոց ցեղասպանության ճանաչման օրինագիծը։ Այս մասին տեղեկացնում է habergazetesi.com-ը։
Իր գրառման մեջ Քուրթուլմուշը նշել է. «Աղավաղված և անհիմն մի շարք պնդումների՝ Գերմանիայի խորհրդարանի կողմից որպես ցեղասպանություն ճանաչվելը պատմական սխալ է։ Գերմանիայի խորհրդարանի ընդունած այս նախագիծը հարիր չէ թուրք-գերմանական բարեկամական հարաբերություններին։ Այս վճիռն օրենքի ուժ չունի Թուրքիայի համար։ Այս խնդիրը քաղաքական գործիչներինը, կամ խորհրդարանականներինը չէ, գիտնականների և պատմաբանների կողմից լուծում պահանջող խնդիր է։ Իհարկե, որպես Թուրքիա, բոլոր հարթակներում տալու ենք այս օրինագծի անհրաժեշտ պատասխանը»։
