Ռուսաստանի Դաշնությունում հարցում է անցկացվել, որը փորձել է պարզել, թե ինչպե՞ս են այդ երկրի բնակիչները վերաբերվում Ուկրաինայի ԶՈւ նախկին զինծառայող Նադեժդա Սավչենկոյին ռուսաստանցիներ Եվգենի Երոֆեևի և Ալեքսանդր Ալեքսանդրովի հետ փոխանակելու նախաձեռնությանը։ Այս մասին տեղեկացնում է ռուսական Lenta.ru-ն՝ հղում կատարելով «Ինտերֆաքսին»։
Լրատվամիջոցի փոխանցմամբ՝ հարցումը նախաձեռնել է «Լևադա» ուսումնասիրությունների կենտրոնը։ Հարցումն անցկացվել է 2016թ. մայիսի 27-ից 30-ը 18 տարեկանից բարձր 1600 քաղաքացիների շրջանում։ Ըստ այդմ, արդյունքներից պարզ է դարձել, որ հարցվածների 56%-ը կողմ է եղել Սավչենկոյին Երոֆեևի և Ալեքսանդրովի հետ փոխարինելու տարբերակին։
Հետաքրքիր է, որ ամեն հինգերորդ հարցվածն ընդհանրապես տեղյակ չի եղել Սավչենկոյի գործի մասին։
Կարդացեք նաև