ՀՕՊ համաձայնագիրը ոչ թե հանվել է ԱԺ օրակարգից, այլ դա տեղի է ունեցել ՀՀ կառավարության որոշման արդյունքում:
«Հայելի» ակումբում լրագրողների հետ հանդիպմանը խնդրահարույց համաձայնագրի հետ կապված որոշ պարզաբանումներ ներկայացվեցին:
Հայաստանի դեմոկրատական կուսակցության (ՀԴԿ) նախագահ Արամ Սարգսյանը, անդրադառնալով հասարակության շրջանում եղած մտահոգություններին, թե այս համաձայնագրով ՀՀ օդային պաշտպանությունը հանձնում ենք ռուսներին, նշեց. «Պետք է պարզաբանել, թե ինչում է խնդիրը: Թե չէ այլ հարց, որ մենք ունենք հակաօդային պաշտպանության անհրաժեշտություն»:
ՀՀԿ խմբակցության պատգամավոր Սուքիաս Ավետիսյանը շտապեց հանգստացնել. «Պայմանագրում գրված է, որ մենք ենք որոշում մեր հակաօդային պաշտպանության խնդիրները: Հստակ նշված է նաև, որ հրամանը տալիս է հակաօդային պաշտպանության վարչության պետը` ՀՀ գերագույն գլխավոր հրամանատարի համաձայնությամբ: Մենք խնդիր չունենք, որ մեզ մեկ ուրիշը կառավարի: Փաստաթուղթ կա, պետք է փաստաթղթի շուրջ խոսել: Մեկ հստակ բան է պայմանագիրն ասում, որ եթե այսօր որոշում կայացնելու համար մեր ունեցած հակաօդային պաշտպանության միջոցով ունենում ենք հիսուն վայրկյան, ապա այս համաձայնագրի վավերացման պարագայում մենք կունենանք տասը վայրկյան»:
Կարդացեք նաև
Տաթև ՀԱՐՈՒԹՅՈՒՆՅԱՆ
