Հունիսի 23-ին քաղաքում, Տավուշի մարզի առաջին ատյանի դատարանում Բերդի նստավայրում ավարտվեց Մովսես գյուղի 41-ամյա բնակիչ Արթուր Մկրտումյանի դատավարությունը: Նա մեղադրվում է 2015թ. սեպտեմբերի 18-ին Մովսես գյուղի բնակիչ, Բերդի զինկոմ,1966թ. ծնված Դերենիկ Պապյանին սպանելու մեջ: Նրան մեղադրանք է առաջադրվել ՀՀ քրեական օրենսգրքի 104 հոդվածի 1-ին մասով:
Տավուշի մարզի առաջին ատյանի դատարանի դատավոր Զոյա Զաքինյանը Արթուր Մկրտումյանին մեղավոր է ճանաչել նրան առաջադրված հոդվածով եւ դատապարտել 11 տարվա ազատազրկման: Քրեական գործով մեղադրողը դատարանին միջնորդել է ամբաստանյալին դատապարտել 12 տարվա ազատազրկման:
Արթուր Մկրտումյանը սպանության համար իրեն մեղավոր չի համարում, ասելով, որ չի հիշում դեպքը, այդ օրվա իրադարձությունները: Նա եղել է հարբած վիճակում:
Ոսկան ՍԱՐԳՍՅԱՆ
