Ուկրաինայի նախագահ Պյոտր Պորոշենկոն անդրադարձել է 2016թ. հունիսի 23-ին Մեծ Բրիտանիայում անցկացված հանրաքվեի արդյունքներին, տեղեկացնում է ռուսական Gazeta.ru կայքը։
Հանրաքվեի մասին Պորոշենկոն գրառում է կատարել «Թվիթեր» սոցիալական կայքում՝ հույս հայտնելով, որ Եվրամիությունից՝ Բրիտանիայի դուրս գալով Ռուսաստանի Դաշնության հանդեպ սահմանված պատժամիջոցները կպահպանվեն. «Հուսով եմ, որ Ռուսաստանի՝ որպես զավթիչ երկրի հանդեպ պատժամիջոցները կշարունակվեն»։
Պորոշենկոն նաև վստահություն է հայտնել, որ չնայած Բրիտանիան դուրս է գալիս Եվրամիությունից, այնուամենայնիվ կշարունակի պահպանել եվրոպական արժեքները։
