Ադրբեջանի փոխվարչապետ, փախստականների և բռնի տեղահանվածների հարցերով պետական կոմիտեի նախագահ Ալի Հասանովը հարցազրույց է տվել Trend լրատվական գործակալությանը, որի ընթացքում խոսել է Հայաստանի Հանրապետության և Արցախի հակամարտության մասին։
Ադրբեջանի փոխվարչապետը պնդել է, որ Հայաստանի Հանրապետությունը ղեկավարվում է 4 կենտրոնի կողմից՝ չմանրամասնելով դրանք։ Հասանովը Հայաստանի Հանրապետությանն է մեղադրել 2016թ. ապրիլի սկզբին հակամարտ ուժերի շփման գոտում տեղի ունեցած ռազմական բախումներ սադրելու համար։ Հասանովի կարծիքով՝ Հայաստանի Հանրապետությունը շահագրգռված չէ հակամարտության խաղաղ կարգավորման գործում։
Փոխվարչապետ Հասանովը վստահ է, որ ապրիլյան դեպքերը ոգևորել են ադրբեջանցի ժողովրդին, չնայած դրան՝ Ադրբեջանը շահագրգռված չէ հակամարտությունը լուծել ռազմական ճանապարհով, բայց «եթե թշնամին շարունակի սադրանքները, ադրբեջանական բանակը կազատագրի բռնազավթված տարածքները»։
