Ըստ տնտեսագետ Աշոտ Եղիազարյանի, Հայաստանի ՀՆԱ-ի աճի հիմնական գործոնը գյուղատնտեսական աճն է եղել, որը հիմնականում Հայաստանի պարագայում գյուղատնտեսության համար բնակլիմայական պայմաներով է բացատրվում:
ՀՆԱ-ի աճի մեկ այլ գործոն էլ, մեր զրուցակցի դիտարկմամբ, Հայաստանի արտաքին պարտքի ավելացումն է մոտ 530 միլիոն դոլարով, որը, նույնպես, Ռուսաստանի հետ կապ չունի եւ Արեւմտյան աղբյուրներից է գալիս:
«Այս հայտարարությունն իրականությունից շատ-շատ հեռու էր»,-ասաց պարոն Եղիազարյանն` անդրադառնալով Պուտին-Սարգսյան երեկվա հանդիպմանը, որի ժամանակ ՌԴ նախագահը հայտարարել էր, թե Հայաստանի ՀՆԱ-ն 10 տոկոսով աճել է: Նա կարծում է, որ այդ հայտարարությամբ Պուտինը եւս մեկ անգամ փաստում է, որ Հայաստանի՝ Եվրասիական տնտեսական միությանը միանալու որոշումը ճիշտ է եղել, եւ որ մեր երկրի իշխանությունները չփորձեն այլ որոշում կայացնել:
Նյութն առավել մանրամասն կարդացեք «Առավոտ» օրաթերթի վաղվա համարում:
Կարդացեք նաև
Լուսինե ԲՈՒԴԱՂՅԱՆ
