Շիրակի մարզի Գյումրի և Լոռու մարզի Վանաձոր քաղաքներում հոկտեմբերի 2-ին համայնքի ավագանու ընտրություններ են լինելու: Գյումրիում համայնքի ավագանու ընտրություններին մասնակցելու համար առաջադրվել է 11 կուսակցություն՝
Ալյանս առաջադիմական ցենտրիստական, Բարգավաճ Հայաստան, Գաղափարակից լիբերալների ալյանս (ԳԱԼԱ), Հայ ազգային կոնգրես կուսակցությունները, Բալասանյան դաշինք, Գյումրեցի ոգի կուսակցություն, Գործարար կուսակցություն, Համախմբում կուսակցություն, ՀՅԴ, Հայկական վերածնունդ կուսակցություն, Քաղաքացիական պայմանագիր կուսակցություն: Իսկ Վանաձորի ավագանու ընտրություններին մասնակցելու համար 8 կուսակցություն՝ Բարգավաճ Հայաստան, Լուսավոր Հայաստան, Համախմբում, Հայ ազգային կոնգրես, Հայ հեղափոխական դաշնակցություն, Հայկական վերածնունդ, Հայաստանի Հանրապետական կուսակցություն եւ Քաղաքացիական պայմանագիր կուսակցությունները:
Ի տարբերություն նախորդ տարիների պասիվության, այս տարի ՏԻՄ ընտրություններին քաղաքական ուժերի ակտիվությունն աննախադեպ է: Քաղաքագետ Լեւոն Շիրինյանը aravot.am-ի հետ զրույցում վերլուծում է պատճառները. «Հասկացան, որ տեղական ինքնակառավարման մարմինները շատ ավելի կարեւոր են, քան Ազգային ժողովը, որովհետեւ ՏԻՄ համակարգը ժողովրդի կամքի կազմակերպման ձեւն ու պետության հիմքն է: Կա երկրորդ պատճառը, որ Հայաստանը դառնում է խորհրդարանական, ՏԻՄ ընտրություններին մասնակցելով՝ քաղաքական ուժերը կազմակերպչական առումով ուժերի ստուգատես են անցկացնում: Իսկ երրորդ պատճառը՝ ուղղակի տեսան, որ իրենց ոչինչ չի հասնում, հիմա էլ սրանք են իշխանության նման իրենց հարազատներին առաջադրել»:
Ըստ նրա, առաջիկա ՏԻՄ ընտրություններում պայքարելու են շահերի խմբերը. «Շահերի խմբերի կատաղի մրցապայքար է: ՏԻՄ ընտրություններ, հետո Ազգային ժողով»: Քաղաքագետի խոսքով, այս ընտրություններում էլ Սերժ Սարգսյանն է որոշելու՝ ով որտեղ կհայտնվի:
Կարդացեք նաև
Արփինե ՍԻՄՈՆՅԱՆ
իսկ կարծում էք թէ ընդդիմությունը երբեք խարդախութիւններ չ’անե՞ր, կամ գոնէ չի՞ փորձեր, ընտրությունների ժամանակ…
միայն թէ, ոչ նոյն հաջողությամբ քան իշխանությունը