ՊԵԿ նախագահ Հովհաննես Հովսեփյանն առաջարկում է փոփոխություն կատարել «Կուտակային կենսաթոշակների մասին» օրենքում: Այս մասին տեղեկանում ենք կառավարության սեպտեմբերի 15-ի նիստի օրակարգից:
Կառավարության հավանությանը ներկայացված որոշման նախագծով ՊԵԿ ղեկավարն առաջարկում է «Կուտակային կենսաթոշակների մասին» օրենքով սահմանված սոցիալական վճար կատարելու պարտականությունը հետաձգել մինչեւ 2018 թվականի հուլիսի 1-ը:
Հիշեցնենք, որ այս արտոնությունը, այսինքն, կուտակային կենսաթոշակային սոցիալական վճարների պարտադիր բաղադրիչը հետաձգվեց բողոքի մեծ ալիքից հետո, եւ այն անձինք, որոնք դեմ էին կուտակային կենսաթոշակային վճարներին, իրենց դիմումի համաձայն, ազատվում էին այդ սոցվճարները կատարելուց: Այս սկզբունքը հետաձգվել էր մինչեւ 2017 թվականի հուլիսի 1-ը, եւ այժմ ՊԵԿ-ը առաջարկում է կրկին հետաձգել այն:
Որոշման նախագծից ակնկալվող արդյունքն, ըստ փաստաթղթի, կկարգավորվի սոցիալական վճարի կատարման պարտականությունից հրաժարված անձանց կողմից դրանց կատարումը վերսկսելու հարաբերությունները:
Կարդացեք նաև
Նելլի ԲԱԲԱՅԱՆ
