«Անկախության 20-ամյակի հետ համեմատած` այս զորահանդեսի շուրջ ոգեւորությունը թույլ էր»,-կարծում է հոգեբան Սամվել Խուդոյանը:
«Երեկ կայացած զորահանդեսին մարդիկ քիչ էին, թեեւ զինտեխնիկայի ծավալը մեծ էր: Ամեն ինչ լավ էր կազմակերպված, բայց ոգեւորությունը թույլ էր նաեւ արտասահմանից: Նախորդ զորահանդեսին անգամ BBC-ն էր արձագանքել»,-այսօր «Հայելի» մամուլի ակումբում ասաց Սամվել Խուդոյանը:
Նա նկատեց, որ զորահանդեսի շուրջ Ադրբեջանի արձագանքը սահմանափակվեց զենքերի նկարագրությամբ, իսկ ահա Ալիեւը ռազմական խորհրդի նիստ էր հրավիրել. «Գուցե դա համընկել էր: Կարծում եմ` տպավորություն է, որ Ադրբեջանում զգոնություն է, իսկ մեր մոտ որոշակի սառնություն կար այս ամենի հանդեպ»:
Ըստ հոգեբանի` զորահանդեսի ուղերձը հիմնականում թշնամուն է ուղղված. «Ատամ ցույց տալու, վախեցնելու ձեւ է»: Խուդոյանը կարծում է, որ զինտեխնիկան այդ կերպ ցուցադրելը նորմալ է. «Չինաստանն էլ ԱՄՆ-ին է ցույց տալիս…Իսկ ահա եվրոպական երկրներին դա բնորոշ չէ»:
Կարդացեք նաև
Լուիզա ՍՈՒՔԻԱՍՅԱՆ
