Հոկտեմբերի 11-ին ՌԴ-ում ՀՀ դեսպան Օլեգ Եսայանը ՀՀ պետական մարմինների կողմից շնորհված պարգևներն է հանձնել կրթության և մշակույթի ոլորտի ռուսաստանաբնակ մի շարք գործիչների:
Դեսպանությունում կայացած միջոցառմանը Օլեգ Եսայանը ողջունել է պետական պարգևների արժանացած գործիչներին և շնորհակալություն հայտնել հայ-ռուսական բարեկամության ամրապնդման գործում ներդրած ավանդի համար:
ՀՀ Մշակույթի նախարարության ոսկե մեդալ է հանձնվել Մոսկվայի Փարաջանովի անվ. գեղարվեստական թատրոնի հիմնադիր և ղեկավար Վլադիմիր Գաբբեին: Մոսկվայի թիվ 1967 դպրոցի տնօրեն Արմինե Առաքելյանին հանձնվել է ՀՀ ԿԳ նախարարության հուշամեդալն ու Սփյուռքի նախարարության «Մայրենիի դեսպան» մեդալը: Սփյուռքի նախարարության նույն մեդալին է արժանացել գրող, հրապարակախոս Լաուրա Բալյանը:
Սփյուռքի նախարարության կողմից շնորհված պատվոգրեր են հանձնվել Մոսկվայի «Ալտուֆևո» անչափահասների սոցիալ-վերականգնողական կենտրոնի տնօրեն Գոհար Ուսպենսկայային և կրթական ու հասարակական ոլորտի մի շարք այլ գործիչների:
Կարդացեք նաև
ՀՀ ԱԳՆ
