Ռուսաստանի ԱԳՆ պաշտոնական ներկայացուցիչ Մարիա Զախարովան մեկնաբանել է Ադրբեջանի նախագահ Իլհամ Ալիևի հայտարարությունն առ այն, որ հնարավոր է համարում Լեռնային Ղարաբաղին ինքնավար հանրապետության կարգավիճակի տրամադրումը:
Ավելի վաղ Ադրբեջանի նախագահը «ՌԻԱ Նովոստիին» տված հարցազրույցում ասել էր, որ հետագայում, եթե պայմանավորվածություն լինի, ԼՂ-ն կարող է լինել ինքնավար հանրապետություն:
«Այդ արտահայտության մեջ առանցքային է «եթե կողմերը համաձայնության գան»: Կողմերը պետք է համաձայնության գան»,- ասել է Զախարովան, որի խոսքերը մեջբերում է «Նովոստի Արմենիան»:
Նա նշել է, որ ոչ մի ուժային գործողություն չի կարող ազդել խաղաղ կարգավորման վրա: «Դա վերաբերում է և Լեռնային Ղարաբաղի իրավիճակին, դա վերաբերում է, ընդհանուր առմամբ, միջազգային հարաբերությունների և քաղաքա-դիվանագիտական կարգավորման տեսությանը և փորձին»,- ասել է Զախարովան:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
