Հենց նոր Aravot.am-ն ահազանգ ստացավ Գյումրու թիվ 38 դպրոցի ուսուցիչներից, որ Շիրակի մարզպետ Հովսեփ Սիմոնյանի որոշմանը դեմ կանգնած ուսուցիչներից մի քանիսին՝ զինղեկին, ուսմասվարին, նախկին տնօրեն Գոհար Շահբազյանի դստերը, որը նույնպես ուսուցչուհի է աշխատում տվյալ դպրոցում, տարել են ոստիկանության «Մուշ» բաժին։
Ընդ որում, մեզ տեղեկացրեցին, որ ոստիկանություն են տարել այն մանկավարժներին, որոնք մտնելով Շիրակի մարզպետ Հովսեփ Սիմոնյանի մոտ՝ իրենց անհամաձայնությունն էին արտահայտել մարզպետի՝ տնօրենի ժ/պ մեկ այլ դպրոցի փոխտնօրենին նշանակելու որոշման դեմ։
Մենք Շիրակի մարզի դատախազ Կարեն Գաբրիելյանից հետաքրքրվեցինք, թե ինչո՞ւ են ուսուցիչներին տարել ոստիկանություն, դատախազն ասաց․«Համապատասխան պաշտոնատար անձի դիմումի հիման նյութեր են նախապատրաստվում ու այդ շրջանակներում անհրաժեշտություն է առաջացել ուսուցիչներին հրավիրել ոստիկանություն բացատրություն վերցնելու»։
Շիրակի մարզպետարանից ճշտեցինք, որ ուսուցիչների դեմ բողոք ներկայացնողը Շիրակի մարզպետն է։ Հիշեցնենք, որ Շիրակի մարզպետն այդ դպրոցում ժամանակավոր պաշտոնակատար են նշանակել մեկ այլ դպրոցի՝ թիվ 42-ի փոխտնօրեն Արփինե Նիկողոսյանին, որին, սակայն, ուսուցիչները դպրոցի շենք ներս չեն թողնում։
Կարդացեք նաև
Նունե ԱՐԵՎՇԱՏՅԱՆ
ձեր դաշնակ մարզետը գործ տվող է?մարդիկ բողոքն արտահայտելու իրավունք չունեն? Շիրակի մարզում 37 թիվն է?
Ամոթ է , ամոթ, էդպիսի էլ մարզպետ լինի?, հարցեր լուծելու, մարդկանց հետ խոսելու փոխարեն՝միլիցա?