Արաբկիր եւ Քանաքեռ-Զեյթուն վարչական շրջանների դատարանում քննվում է «Հիմնադիր խորհրդարանի» անդամ Կարո Եղնուկյանի՝ 2016-ի հունիսի 30-ին ոստիկանների կողմից իր բնակարանի անձեռնմխելիության խախտման փաստով քրեական գործ չհարուցելու քննիչի որոշման դեմ բողոքը :
Կարո Եղնուկյանի փաստաբան Տիգրան Հայրապետյանը Aravot.am-ի հետ զրույցում հայտնեց, որ դատարանը մերժել է իրենց բողոքը, համարելով, որ քննիչի որոշումը բողոքարկման ենթակա չէ, հիմքերը պարզ չեն, եւ դատարանը չի կարող քննել:
«Չնայած մի քանի ամիս առաջ մեկ այլ դատարան քննել էր մեր բողոքը եւ որոշել էր, որ որեւէ խախտում չի եղել: Այսինքն, ստացվում է, որ դատարանի այս որոշումը ակնհայտ հակասության մեջ է մյուս որոշման հետ»,- նշեց փաստաբանը:
Գոհար ՀԱԿՈԲՅԱՆ
