Մարդու իրավունքների պաշտպան Արման Թաթոյանն այսօր կառավարության նիստից հետո լրագրողների հետ ճեպազրույցում անդրադառնալով բլոգեր Ալեքսանդր Լապշինի ձերբակալությանը, ասաց, որ նրա ազատության վերաբերյալ դժվարանում է երաշխիքներ տալ:
Թաթոյանի խոսքերով՝ «Այս պահին աշխատանքներ եմ տանում մի քանի հեղինակավոր կազմակերպությունների հետ: Դրանց արդյունքների մասին չեմ կարող երաշխավորել, բայց հուսով եմ, որ դրանք որոշակի ազդեցություն կունենան»:
Ըստ Մարդու իրավունքների պաշտպանի, բլոգերի դեպքը մտահոգիչ է, քանի որ Արցախ այցելած այլ լրագրողներն էլ կարող են արժանանալ նույն ճակատագրին:
Թաթոյանն ասաց, որ խնդիրը Արցախում նախեւառաջ լրագրողների ու միջազգային փորձագետների աշխատանքն է, որովհետեւ լրագրողների աշխատանքն ունի կանխարգելիչ նշանակություն` Ադրբեջանի կողմից թույլ տրվող վայրագությունների առնչությամբ. «Սրանից հետո պետք է շատ ավելի ակտիվացնենք լրագրողների այցերն Արցախ»:
Կարդացեք նաև
Մանրամասն՝ տեսանյութում
«Human Rights Watch» իրավապաշտպան կազմակերպությունը կոչ է արել «Նոր Հայաստան» շարժման առաջնորդ Անդրիաս Ղուկասյանին ազատել կալանքից: Այս առնչությամբ լրագրողների հարցին ի պատասխան, Թաթոյանը պատասխանեց, որ «Human Rights Watch»-ի մանդատը թույլ տալիս է այդպիսի դիրքորոշում հայտնել, իսկ ՄԻՊ-ի մասին օրենքն ուղիղ արգելում է նման դեպքերում գնահատական տալ. «Ես ընդհանրապես կարող եմ ասել, որ կալանքը ցանկացած անձի նկատմամբ կարող է կրկին կիրառվել, երբ մյուս խափանման միջոցները չեն բավարարում պատշաճ վարքագիծն ապահովելու համար: Սա միջազգային ընդհանուր կանոն է: Կոնկրետ դեպքի հետ կապված ես չեմ կարող գնահատական տալ, օրենքն արգելում է»:
Մանրամասն՝ տեսանյութում
Նելլի ԲԱԲԱՅԱՆ