Այսօր «Հայելի» ակումբում «Հայկական վերածննդի» հանրային կապերի հանձնաժողովի համակարգող Կարեն Թումանյանն ասաց. «Հովիկ Աբրահամյանին էինք քարկոծում, ասում էինք՝ թոշակները չբարձրացրեց, աշխատավարձերը չբարձրացրեց: Ինչ է անում այսօրվա նոր կառավարությունը: Էլի աշխատավարձերը չբարձրացրեց, թոշակները չբարձրացրեց՝ շոուն ապահովեց»:
Ըստ Կարեն Թումանյանի, կառավարությունը հիանալի շոու է անում եւ հիպնոսի տարրեր է հավելում՝ կիրառելով նոր տեխնոլոգիաներ: Նրա դիտարկմամբ՝ այս փոքր պետության մեջ պայքարել կոռուպցիայի դեմ, դա մեկ բաժակ ջուր խմելու նման մի բան է, եթե կա քաղաքական կամք: Նա անեկդոտ հիշեց, որ երբ դեմդ վագր է դուրս գալիս, էլ չես նայում՝ ծառ կա, թե չկա՝ բարձրանում ես: Հիմա էլ, ըստ նրա, մեր դիմաց վագր է դուրս եկել, կործանման եզրին ենք, ու պետք է խիստ մոտեցումներ լինեն՝ փրկվելու համար:
Հռիփսիմե ՋԵԲԵՋՅԱՆ