Վարչական ռեսուրսները չօգտագործել նախընտրական քարոզչության համար: Այսպիսի հորդորով այսօր կառավարության նիստի մեկնարկից առաջ վարչապետ Կարեն Կարապետյանը դիմեց պետական հաստատությունների ղեկավարներին: «Մամուլում կան հրապարակումներ, որ մեր գերատեսչությունների ղեկավարները, մարզային կառույցների ղեկավարները իրենց ադմինիստրատիվ ռեսուրսն օգտագործում են քարոզչության համար: Մտնում ենք նախընտրական փուլ, բոլորին խստագույնս զգուշացվում է, որ նման ծառայությունները արջի ծառայություն են լինելու անկախ նրանից, թե որ կուսակցության շահն են իրենք պահում: Հատուկ ուշադրություն դարձնել այդ խնդրին»,-ասաց վարչապետը:
Նելլի ԲԱԲԱՅԱՆ
