«Ադրբեջանն իրավիճակի վրա ազդելու այլ տարբերակներ չունի: Դրա նպատակով պետք է խոսի, ասի, թե տեսեք՝ գյուղ ենք «հետ գրավել», կամ կրակի…Ի՞նչ ստացավ Ադրբեջանն ապրիլին, որին պատրաստվել էր 22 տարի՝ կարտոֆիլի 2 դաշտ…նա արդյունքի չի հասել: Մեկ տարի է անցել, իսկ Ադրբեջանում ասում են, թե իրենք «հաղթել» են երկրորդ Ղարաբաղյան պատերազմը»,-«Նովոստի Արմենիա» մամուլի կենտրոնում այսօր անդրադառնալով սահմանային լարվածության պատճառներին, ասաց քաղաքագետ Ալեքսանդր Իսկանդարյանը:
Խոսելով Մյունխենում առաջիկայում սպասվելիք Լավրով-Մամեդյարով-Նալբանդյան հնարավոր հանդիպման մասին` նա նշեց՝ կողմերին հանդիպելն օգտակար է. «Պետք է հանդիպել, անգամ պարզապես հանդիպելու համար»:
Իսկանդարյանն անդրադարձավ նաեւ Բելառուսի կողմից բլոգեր, լրագրող Ալեքսանդր Լապշինին՝ Ադրբեջանին արտահանձնելուն. «Սա արվել է նախագահների մակարդակով, սա «քաղաքական շիզոֆրենիա» է: Ադրբեջանը վախենում է անգամ «յան» ազգանունով ՌԴ քաղաքացի երեխաներից…Եթե Ադրբեջան այդքան լավն է, ինչո՞ւ չեն թողնում մուտք գործել: Բա ցո՜ւյց տվեք այդ լավ Բաքուն»:
Մանրամասն՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
