Վահագնի թաղամասում, որտեղ պաշտպանության նախկին նախարար Սեյրան Օհանյանը տուն է վարձել, առանձնատների ամսական վարձակալության գումարը սկսվում է 3000 դոլարից։ Այս մասին զրույցում փոխանցեց Վահագնի բնակելի թաղամասի վարչական աշխատակիցը։
Հանուն արդարության պետք է նշել, որ որպես տուրիստական ընկերության աշխատակից ներկայանալով` փորձեցինք ճշտել թաղամասի բնակարաններին ու առանձնատներին վերաբերող որոշակի գներ, քանի որ նման դեպքերում լրագրողներին տեղեկատվություն տալու հարցում, մեղմ ասած, այնքան էլ բարեհաճ չեն լինում։
Փորձեցինք հետաքրքրվել նաեւ, թե վաճառվե՞լ է արդյոք Սեյրան Օհանյանի կիսակառույց առանձնատունը։ «Ոչ, ոչ»,- պատասխանեց աշխատակիցը՝ խուսափելով ավելի մանրամասն տեղեկություններ հաղորդել։
Սեյրան Օհանյանն ինքը մի քանի օր առաջ հրավիրած ասուլիսի ժամանակ հայտարարել էր, թե Վահագնի թաղամասում առանձնատուն չունի, բայց այդտեղ ապրում է վարձով։ Նա, սակայն, չէր մանրամասնել, թե յուրաքանչյուր ամիս որքան վարձ է վճարում այդ տան համար։ Ինչպես նշեցինք, այդտեղ առանձնատների ամսական վարձը սկսվում է 3000 դոլարից, եւ կարելի է չկասկածել, որ Սեյրան Օհանյանը նման առանձնատուն վարձակալած կլիներ եւ ոչ թե առանձնատան բնակարաններից մեկը:
Կարդացեք նաև
Ա. Ա.
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
