Անահիտ Հարությունյանը՝ «Հայբուսակ» համալսարանի նախկին ռեկտորը, «Հայ հեղափոխական դաշնակցություն» կուսակցության կողմից ռեյտինգային ընտրակարգով առաջադրվել է որպես ԱԺ պատգամավորի թեկնածու Երեւանի թիվ 2 ընտրատարածքում, որն ընդգրկում է Արաբկիր, Աջափնյակ, Դավթաշեն վարչական շրջանները։ Նա Կրթության միջազգային ակադեմիայի նախագահն է եւ «Հայբուսակ» համալսարանի ռեկտորի գլխավոր խորհրդականը։
«Թե ինչու եմ ընտրել Դաշնակցությանը, կարող եմ ասել, որ այն ինձ շատ հոգեհարազատ է։ Պապերս են եղել այդ կուսակցության անդամ, ամուսինս է այդ կուսակցության անդամ՝ 1991 թվականից։ Իմ արյան մեջ են Դաշնակցության գաղափարները, ես դրանցով եմ մեծացել, եւ ինձ միշտ դուր են եկել ՀՅԴ-ի գաղափարները»,- ասաց նա։
Դաշնակցության համակիր Անահիտ Հարությունյանին հիշեցրինք, որ ինքը ժամանակին «Բարգավաճ Հայաստան» կուսակցության անդամ էր։ «Այո՛, եղել եմ մեկ տարի ԲՀԿ անդամ, երեւի 2011-12 թվականներին էր։ Ես չէի ցանկանում անդամակցել որեւէ կուսակցության, բայց այդ պահին այդպես ստացվեց։ Կային ուսանողների եւ երիտասարդների հետ կապված ծրագրեր, եւ ԲՀԿ-ն այն ժամանակ մեծ ներդրում ունեցավ այդ հարցում։ Ես տեսա իրենց ակտիվ մասնակցությունն ուսանողության կյանքում եւ որոշեցի դառնալ ԲՀԿ անդամ, իսկ հետո դուրս եկա»,- արձագանքեց զրուցակիցը:
Թագուհի ՀԱԿՈԲՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
