«Հերացի» թիվ 1 հիվանդանոցային համալիրի պուրակում այսօր ծառատունկ էր. ապրիլյան ռազմական գործողություններից մեկ տարի անց՝ վիրավորված եւ այժմ վերականգնողական բուժում ստացող զինծառայողները մշակույթի գործիչների հետ ծառ տնկեցին՝ ի հիշատակ իրենց զոհված զինակիցների:
Նրանց թվում էր կոմպոզիտոր Տիգրան Մանսուրյանը: Նա հուզմունքով շոյեց ապրիլյան քառօրյայում վիրավորված Դանիել Դավթյանի գլուխը՝ ասելով. «Ի՜նչ անուշ տղա ես դու, ես էլ քո պապիկն եմ…Առողջանաս, ոտքի կանգնես, պինդ լինես ու վայելես կյանքը՝ իր բոլոր հոգսերով ու ուրախություններով»:
Դանիել Դավթյանը վիրավորվել էր ապրիլի 3-ին՝ ստանալով բեկորային վնասվածքներ: Լրագրողներին դժվարացավ բացատրել, թե ինչ են զգացել այդ օրերին. «Հասկացանք, որ ուժեղ ենք…Մեր զոհված եղբայրները մեր փառքն ու հզորությունն են»:
Կարդացեք նաև
Վերականգնողական բուժում անցնող Դանիել Դավթյանն անկեղծացավ, որ հիմա նպատակներ չունի, փորձում է ամբողջությամբ առողջանալ. «Այն ժամանակ ուզում էի գալ՝ աշխատել, ամուսնանալ…»:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
