Ազատ դեմոկրատներ կուսակցությունն իր երախտագիտությունն է հայտնում բոլոր այն քաղաքացիներին, ովքեր իրենց վստահության քվեն առանց վարանելու և հանուն իրական փոփոխությունների տվել են մեզ։
Ընդունելով այս ամենը որպես իրողություն` Ազատ դեմոկրատներ կուսակցությունը վստահեցնում է, որ շարունակելու է ամենօրյա ռեժիմով աշխատել հանուն ՀՀ քաղաքացու բարօրության, հանուն մեր այն տեսլականների, որոնց շնորհիվ ունենալու ենք զարգացած ու ժողովրդավար պետություն, որտեղ արժեք չեն ունենալու ընտրակաշառքն ու անօրինական լծակների կիրառումը։
Մենք կարող ենք և պայքարելու ենք հանուն ՀՀ քաղաքացու գիտակցված ընտրության և իրավատեր հասարակության ձևավորման։
Հավատացա’ծ եղեք, որ մենք միշտ առաջ ենք տանելու այն քաղաքական օրակարգը, որը մեզ համար աներկբա է և որի իրագործմամբ է հնարավոր տեսնել ՀՀ զարգացումն ու առաջընթացը։
