Եվ այսպես, ՍԴ որոշման մեջ նշված է. «ՀՀ հանրային իշխանությունների առաջնային խնդիրն է հաղթահարել այն մտահոգությունները, որոնք հայտնվեցին միջազգային եւ տեղական առաքելությունների կողմից, մասնավորապես՝ քաղաքական կոռուպցիայի դրսեւորումների առնչությամբ։ Ընդհուպ ԵՄ փորձագետների եւ պաշտոնյաների անունից հնչեցվեց, որ քաղաքական կոռուպցիան անհարիր է իրավունքի գերակայության սկզբունքը որդեգրած երկրի ժողովրդավարության զարգացումներին եւ անվտանգության
սպառնալիք է։ Դրա արմատախիլ անելը պետական քաղաքականության եւ երկրի իրավական անվտանգության օրակարգային առաջնահերթություն պետք է լինի։ Խնդրի լուծումը համալիր մոտեցում է պահանջում, այդ թվում՝ ՀՀ ԸՕ հետագա բարեփոխումների ճանապարհով, որի միջոցով
հնարավոր կլինի հաղթահարել ընտրական գործընթացում քաղաքական կոռուպցիայի դրսեւորման իրավական ռիսկերը»։
Այլ կերպ ասած, ՍԴ-ն իր որոշմամբ հաստատել է՝ Հայաստանում կա քաղաքական կոռուպցիա, որը սասանում է երկրի անվտանգությանը, ավելին՝ հիմա պետական քաղաքականության եւ իրավական անվտանգության օրակարգային առաջնահերթությունը պետք է լինի քաղաքական կոռուպցիան արմատախիլ անելը։
Կարդացեք նաև
Այսինքն՝ ՍԴ-ն ձայնագրել է համատարած ընտրակաշառք բաժանելու մասին պնդումները, թեեւ առանց կոնկրետ փաստեր ներկայացնելու, բայց եւ՝ խոսել այդ մասին։ Ճիշտ եւ ճիշտ այնպես, ինչպես ասում էին ընդդիմադիրները։
Ինչ վերաբերում է վարչական ռեսուրսի կիրառմանը, ապա դրանք եւս ՍԴ-ն անուղղակի հաստատել է՝ տալով կոնկրետ հանձնարարականներ առ այն, որ գործատու-վարձու աշխատող հարաբերությունների մակարդակը պետք է որակապես բարելավել, վարձու աշխատողը պետք է լիարժեք իրավասուբյեկտ դառնա ընտրական գործընթացներում քաղաքական ու գործարար շահերի միահյուսման հնարավորությունը հաղթահարելու համար։
Արման ԳԱԼՈՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
