«Ազատ դեմոկրատներ» կուսակցության վարչության ներկայացուցիչ Արմեն Առաքելյանը վստահեցնում է՝ թոթափել են հետընտրական դեպրեսիան ու շարունակում են պայքարը Հայաստանում իրենց գաղափարները կյանքի կոչելու ուղղությամբ. «Մեր գրասենյակն էլ կա, լրատվական խմբերն էլ են աշխատում, կուսակցականներս էլ կուռ շարքերով կանգնած ենք, ինչպես աշխատել ենք, այնպես էլ շարունակում ենք»։
«Անցած ընտրությունների արդյունքներից հետո կարելի՞ է ակնկալել, որ երբեւէ Հայաստանում դոմինանտ կլինի «ԱԴ»-ի «գիծը» հարցին Առաքելյանը դրական պատասխանեց, իսկ պարտության պատճառների մասին ասաց. «Ամբողջ իշխանական ռեսուրսն աշխատեց ապացուցել, որ մեր ուղղվածության ընդդիմությունն անցողիկ չէ, այլ ուրիշ ուժ է, եւ ուղղորդեց ամբողջ ընտրազանգվածին դեպի այդ ուժը, որը կիսատ-պռատ հայտարարում էր, որ ինքն էլ է արեւմտյան ուժ, բայց ընտրությունից ուղիղ երկու ժամ հետո հայտարարեցին, որ Արեւմուտքի հետ ոչ մի կապ չունենք։ Այսինքն՝ անգամ մոնիթորինգի տվյալներով, մեզ երեք անգամ ավելի քիչ են մեկնաբանել, քան մյուս ընդդիմադիր ուժին։ Պետական ռեսուրսի ուղղորդումը տեսանք, ում օգտին եղավ»։
Այսինքն, Ձեր կարծիքով, նոր խորհրդարանում արեւմտյան գաղափարախոսություն կրող ուժ չկա՞։ «Ոչ»,- միանշանակ պնդեց նա։«Ելք»-ը մի օր հետո Արամ Զ. Սարգսյանի միջոցով հայտարարեց, որ մենք ոչ մի արեւմտյան թեւ չենք ներկայացնում եւ այլն, մոտավորապես ասաց՝ լավ չէ, որ մտել ենք Եվրասիական միություն, բայց դե, որ մտել ենք, ոչինչ, ձեր ցավը տանեմ, ես իրենց հետ վարչապետ եմ աշխատել։ Իրենք այդ իմիտացիան արեցին, ժողովրդի ձայները տարան, ավարտվեց, էլ խաղալու բան չունեն։ Հիմա միաբեւեռ խորհրդարան է, բոլորը կազմակերպվում են Մոսկվայից»:
Լուսինե ՇԱՀՎԵՐԴՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում