Միզուղիների բորբոքման հիմնական պատճառ կարող է հանդիսանալ այս կամ այն վարակը: Միզուղիների բորբոքումների պատճառները տարբեր կարող են լինել: Դրանք տարբեր են նաեւ կանանց ու տղամարդկանց պարագայում: Օրգանիզմի ընդհանուր դիմադրողականության անկման պատճառով միզուղիների որոշակի հատվածով անցնելով՝ հարուցիչը ակտիվություն է ցուցաբերում, ախտահարում հարակից հյուսվածքները եւ առաջանում է բորբոքային գործընթաց:
Բորբոքային հիվանդությունը կարելի է ձեռք բերել մրսածության, օրգանիզմի ընդհանուր դիմադրողականության, սխալ հագուստ ընտրելու դեպքում, երբեմն նաեւ՝ սեռական ճանապարհով, կամ հասարակական օգտագործման տարածքներում որոշ կանոններ անտեսելու դեպքում:
Ժողովրդական բժշկությունն առաջարկում է մասնագետի հետ խորհրդակցել եւ պատրաստել հետեւյալ բուժամիջոցը. 30 գրամ եղեսպակ, ավելացնել 60 գրամ երիցուկ, 2 լիտր գինի, թողնել 30 ժամ, հետո քամել եւ օրը 4 անգամ 40-ական գրամ խմել միզուղիների բորբոքման ժամանակ:
Կարող եք այլ տարբերակ եւս փորձել. 10 գրամ երիցուկի տերեւներին ավելացնել 40 գրամ խաղողի ծաղիկներ, աղալ, մզվածքին ավելացնել 25 գրամ մեղր եւ օրը 3 անգամ մեկ ճաշի գդալ ուտել:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
13.06.2017
