«ՆԳՆ քրեական ոստիկանության ծառայողները կանխել են սպանություն, որը նախապատրաստել էր տնային կալանքում գտնվող՝ քրեական հեղինակություն համարվող անձը․ կան ձերբակալվածներ», – հայտնում է ՀՀ ՆԳՆ ոստիկանությունը:
«Հրապարակ»-ի տեղեկություններով՝ տնային կալանքում գտնվող անձը քրեական հեղինակություն Արտաշես Չիչոյանն է։
Նրան այս տարվա սկզբին մեղադրանք էր առաջադրվել ապօրինի հրազեն և ռազմամթերք ձեռք բերելու, պահելու ու տեղափոխելու համար, գործն այժմ դատաքննության փուլում է։ 2026թ. հունվարի 22-ին Ալյոնա Եժակովայի բնակարանում հայտնաբերվել է նրա մոտ ապօրինի պահվող «Բերետտա» տեսակի 9մմ ատրճանակ՝ 7 փամփուշտով։ Բացի այդ, ըստ մեղադրանքի, Չիչոյանը 2025թ. ծանոթացել է Ալյոնա Եժակովայի հետ և որոշ ժամանակ համատեղ բնակվելուց հետո վերջինիս կողմից հարաբերությունները դադարեցվելուց հետո շարունակել է հետապնդել նրան։ 2026թ. հունվարի 22-ի գիշերը նա, ընկերների հեռանալուց հետո, բնակարանում փակել է Եժակովային՝ վերցնելով դռան բանալին և նրա անձնագիրը։
Կարդացեք նաև
Այնուհետև, ըստ քննության, Չիչոյանը ատրճանակով սպառնացել է նրան, ծեծել՝ մարմնի տարբեր մասերին բազմաթիվ հարվածներ հասցնելով, կապել ձեռքերն ու ոտքերը, փակել պահարանում, իսկ ատրճանակը պահելով գլխին՝ սպառնացել է սպանել, եթե նա շարժվի։
Գլխավոր դատախազությունից մեզ միայն հայտնեցին, որ 3 անձի նկատմամբ քրեական հետապնդում է հարուցվել։
