2016թ. ապրիլի 2-ին ադրբեջանական հրետակոծությունից ԼՂՀ Զորավան գյուղում սպանված 12-ամյա Վաղինակ Գրիգորյանի ընտանիքի դիմումը ՄԻԵԴ նախապատրաստական փուլում է. դիմումատուն սպասում է ՄԻԵԴ-ի՝ վարույթ ընդունելու մասին որոշմանը: Այս մասին այսօր «Հոդված 3» մամուլի ակումբում լրագրողներին հայտնեց իրավապաշտպան, ՀՀ առաջին օմբուդսման Լարիսա Ալավերդյանը:
Նա տեղեկացրեց, որ պատրաստվում են ՄԻԵԴ դիմել նաեւ 2014թ. Քարվաճառում ադրբեջանական կողմի դիվերսանտներից սպանված 17-ամյա Սմբատ Ցականյանի դեպքով, քանի որ մինչ օրս միջազգային կառույցները պատշաճ գնահատական չտվեցին այդ հանցագործությանը:
ՀՀ ՄԻՊ Արման Թաթոյանն էլ անդրադարձավ հակառակորդի կողմից հուլիսի սկզբին նախահարձակ գործողություններին, որոնց հետեւանքով ադրբեջանական Ալխանլու գյուղում զոհվեցին երեխա եւ կին: Թաթոյանը մտավախություն հայտնեց, որ նման դեպքերը կարող են կրկնվել, քանի որ Ադրբեջանը կրկին կդիմի սադրանքի. «Նա օգտագործում է ցանկացած դեպք՝ հայատյացության քարոզը եւ հայերի հանդեպ ատելությունը խորացնելու նպատակով»:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
