Այսօր արտակարգ իրավիճակների նախարարության կայքում տեղեկություն հրապարակվեց այն մասին, որ «հուլիսի 25-ին, ժամը 09:10-ին ահազանգ է ստացվել, որ Շիրակի մարզի Գյումրի քաղաքի Հաղթանակ փողոցի թիվ 92 հասցեում գտնվող բենզալցակայանի հանգստի սենյակում գտնվող աշխատակիցը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները բացել են բենզալցակայանի հանգստի սենյակի դուռը և հայտնաբերել 1972 թ. ծնված Հ. Վ.-ի դին»:
Մենք մարզի իրավապահներից հետաքրքրվեցինք, թե ո՞րն է եղել վերջինիս մահվան պատճառը, կա՞ նախնական վարկած։ Մեզ փոխանցեցին, որ առկա նախնական տվյալների համաձայն, Հ. Վ.-ն ինֆարկտ է ստացել, նա սրտի հետ կապված խնդիրներ է ունեցել։
Նունե ԱՐԵՎՇԱՏՅԱՆ
