Հայտնել ենք, որ այսօր՝ հուլիսի 25-ին, ժամը 14.25-ից Իջեւան քաղաքում, ԵՊՀ Իջեւանի մասնաճյուղի շենքի դիմաց միջպետական ավտոճանապարհը փակել են: Դա արվել է ի նշան բողոքի, որ անտառում հատումները արգելված են:
Սկզբում ոստիկանները կարողացել են կանխել իջեւանցիների կողմից ճանապարհի փակման գործողությունը: Սակայն շուտով իջեւանցիներին են միացել Հաղարծին, Թեղուտ գյուղերի բնակիչներ, ընդհանուր առմամբ բողոքի գործողությանը մասնակցել է 110-120 մարդ :
Ճանապարհ փակողների հետ բանակցել են ոստիկանության Տավուշի մարզային վարչության պետ Գրիգոր Գրիգորյանը եւ վարչության պետի օպերատիվ գծով տեղակալ Կամո Ցուցուլյանը: Նրանք ակցիայի մասնակիցներին Տավուշի մարզպետարան են ուղղորդել: Այնտեղ վերջիններս մարզպետ Հովիկ Աբովյանին ներկայացրել են իրենց պահանջները:
Մարզպետը կապվել է համապատասխան պաշտոնյաների հետ: Որոշվել է ,որ անտառից օրինական հիմունքներով, ինքնապատրաստմամբ, մեկ խորանարդ մետր փայտի սակագինը, նախկին 10 800 դրամի փոխարեն կլինի 5400 դրամ: Ժամը 15. 05-ի սահմաններում միջպետական ավտոճանապարհը բացվել է:
Ոսկան ՍԱՐԳՍՅԱՆ
Տնաշեն, էն ձև վերնագիր եք դրել, որ կարդալուց հասկացա թե թուքերի հետ ա փոխզիճում եղել:
Փոպզիջումը միայն ադրբեջանցիների?, թուրքերի հետ է լինում
Մարզպետ Հովիկ Աբովյանի եփած ճաշն է, թող ինքն էլ ուտի…