«Սեֆիլյանի եւ մյուսների» գործով դատական նիստի ընթացքում այսօր ամբաստանյալներից Ներսես Պողոսյանի պաշտպան Արայիկ Պապիկյանը լրագրողների հետ զրույցում մեկնաբանեց երեկ ՀՀ փաստաբանների պալատի և ՀՀ դատական դեպարտամենտի միասնական հայտարարությունը՝ կապված դատական կարգադրիչների կողմից փաստաբաններին զննության ենթարկելու հետ:
«Գնահատել մի բան, որն իրավական առումով զրո արժեք ունի, իմաստ չեմ տեսնում: Սրանով փորձեցին լեգիտիմացնել ապօրինությունը, որը տեղի է ունենում դատարանում: Ցավում եմ, որ փաստաբանների պալատը նման փաստաթուղթ ստորագրելու ժամանակ գտավ: Սա առավելապես ուղղված է այն փաստաբանների դեմ, ովքեր հրաժարվում են խուզարկվել»,-համոզմունք հայտնեց Արայիկ Պապիկյանը:
Լուիզա ՍՈՒՔԻԱՍՅԱՆ
