Դիլիջանի քաղաքապետ Արմեն Սանթրոսյանը (լուսանկարը՝ «Հետքի») նախօրեին իրենց քաղաքում հոգեհացից հետո տեղի ունեցած դանակահարության պատճառների մասին շատ տեղեկություններ չունի: Aravot.am-ի հետ զրույցում նա պատմեց, որ դանակահարության հետեւանքով սպանված 27-ամյա երիտասարդը շատ խելացի ու հարգված երիտասարդ էր: Դանակահարվածն ու դանակահարողը հարեւաններ են եղել:
«Խելացի երեխա էր: Գնացել էին հարեւանի հոգեհացին, չեմ կարող ասել՝ ինչի համար են վիճել, դա պետք է նախաքննությունն որոշի: Դիլիջանում բոլորը ափսոսանքով են խոսում դեպքի մասին, որովհետեւ տղաները խմած են եղել, դա է ամբողջ խնդիրն եղել: Թե չէ այսքան տարի որպես հարեւաններ շատ նորմալ ապրել են»,- ասաց պարոն Սանթրոսյանը:
Նրա տեղեկություններով, դանակահարության մեջ մեղադրվողն էլ է երիտասարդ: Սպանվածի ու սպանության մեջ մեղադրվողի մասին Դիլիջանի քաղաքապետն այլ մանրամասներ չհայտնեց:
Արփինե ՍԻՄՈՆՅԱՆ