Ինչպես տեղեկացրել ենք, այսօր Նորք Մարաշի զինված խմբի գործով դատական նիստում, Կենտրոն եւ Նորք Մարաշ վարչական շրջանների ընդհանուր իրավասության դատարանում զինված խմբի ղեկավար Արթուր Վարդանյանը մեղադրանքի ներկայացման ժամանակ անվրդով գիրք էր կարդում: Նիստն ընդմիջվեց եւ մենք Արթուր Վարդանյանին հարցրեցինք՝ ի՞նչ էիք կարդում: Նա պատասխանեց՝ «Ինձ բահ տվեք՝ էսօրվա մասին է»: Այդ փաստագրական վեպի հեղինակն է՝ Կ. Ս. Պողոսյանը, Գեւորգ Չաուշի մասին է:
Ուշագրավ է, որ նիստի ժամանակ ամբաստանյալներից երկուսը՝ ՊՆ նախկին փոխնախարար Վահան Շիրխանյանը ու Թոքմաջյանը քնած էին:
Պաշտպանները դատավորին միջնորդեցին այդպես երկար բոլոր ամբաստանյալների համար մեղադրանքը չկարդալ, նրանց խոսքերով՝ ոչ մի ստորակետի տարբերություն չկա, միայն անունն է փոխում ու կարդում, ի՞նչ կլինի, եթե բոլոր ամբաստանյալների անունները միանգամից կարդա եւ մեղադրանքը: Դատավորը թույլ չտվեց:
Հռիփսիմե ՋԵԲԵՋՅԱՆ
