ՄՈՍԿՎԱ, 14 ՕԳՈՍՏՈՍԻ 2017թ. — Ռուսաստանի Վլադիմիր քաղաքում նախօրեին օծվել է ՍԲ Գրիգոր Լուսավորիչ եկեղեցին, որի կառուցումը տեղի հայերի ջանքերով մոտ 10 տարի է տևել:
Հայ-ռուսական անկախ տեղեկատվական կենտրոնի փոխանցմամբ, հայկական ճարտարապետության ավանդույթներն ամփոփող սրբավայրի բարձրությունը 37 մետր է, երեսպատման համար Հայաստանից 250 տոննա տուֆ է բերվել:
Վլադիմիրի երկրամասում մոտ 30 հազար հայ է ապրում:
Ռուսաստանում Հայաստանի դեսպան Վարդան Տողանյանի խոսքերով, Ռուսաստանում այս պահին 47 հայկական եկեղեցի է գործում:
Մանրամասները՝ տեսանյութում:
Հայ-ռուսական անկախ տեղեկատվական կենտրոն
Հերթական էժանագին ու տգետ ցուցամոլությունը, որը անբուժելի քաղցգեղի նման մեր նյութական կարողությունները բզկտում, թուլացնում ու փոշիացնում է արդեն քանի – քանի հարյուրամյակներ: Արդյունքում մի հիսուն կամ հարյուր տարի հետո մի դատարկ ու լքված պատմամշակույթային շինություն կդառնա, հետո կմոռացվի, կքանդվի ու կանհետանա, ահա և վերջ: Հազարավոր օրինակներ ունենք աշխարհի չորս ծագերում: Սակայն հասարակ ժողովրդի մեծ մասը տգետ ու անկիրթ է, իսկ մեծեր կոչված հոգևոր և աշխարհիկ պատասխանատուների մեծ մասը՝ անհեռատես, ցուցամոլ ու դատարկագլուխ էծեր: Ես իհարկե հայ մշակույթի պահպանման ու տարածման դեմ չեմ, այլ այն կարծիքին, որ մեզ այլևս նոր որակի ռազմավարություն ու մտածելակերպ է անհրաժեշտ, քանզի այսօր և մոտ ապագային մենք նոր մարտահրավերների արջև ենք կանգնած: