«Դա հերթական՝ հաշվետվության բնույթի հանդիպումն է առ այն, որ բանակցային գործընթացը շարունակվում է: Դատելով Սերգեյ Լավրովի՝ այս տարում արված հայտարարություններից, կարող եմ ասել, որ Մինսկի խմբի մոտ նոր առաջարկ չկա, նույն «Մադրիդյան սկզբունքներն» են սեղանին»,-Aravot.am-ի հետ զրույցում անդրադառնալով սեպտեմբերին նախատեսվելիք ՀՀ եւ Ադրբեջանի արտգործնախարարների հանդիպմանը, ասաց քաղաքագետ Սերգեյ Շաքարյանցը:
Քաղաքագետի բնորոշմամբ՝ Ադրբեջանը նոր որակի բանակցությունների անցնելու փորձեր է կատարում, ինչը որոշակիորեն աջակցություն է գտնում ԱՄՆ կողմից. «Խոսքը զորքերի դուրսբերման մասին է: ԱՄՆ-ն ողջունում է դա, բայց այդ դեպքում թող հայտարարեն, որ չեղյալ են համարում «Մադրիդյան սկզբունքները»: ԱՄՆ-ն ուզում է, որ ՀՀ-ն իր ձեռքով ստորագրի ղարաբաղյան հարցի կապիտուլյացիան (հաղթող կողմի պայմաններով՝ ցամաքային, օդային և ռազմածովային ուժերի դիմադրության դադարեցումը ռազմական գործողությունների թատերաբեմում,-խմբ.)»:
Դա, ըստ Շաքարյանցի, ԱՄՆ-ի եւ Իսրայելի համար որպես գործիք է ծառայելու Իրանի դեմ:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
