Թումանյանի տուն-թանգարանի տնօրեն Նարինե Թուխիկյանը զարմանում է՝ ինչպես կարող էին կրթօջախն անվանակոչել Նաիրի Զարյանի անվամբ:
«Եթե ճանաչում ես Նաիրի Զարյանին, նրա կատարած «քաջագործությունները», ուրեմն պետք է հասկանաս, որ այդ մարդու անունով չի կարող հանրակրթական օջախ լինել, սա հակամանկավարժական է»,- այսօր «Հայելի» ակումբում ասաց Նարինե Թուխիկյանը՝ անդրադառնալով Երեւանի ավագանու «Ելք» խմբակցության նախաձեռնությանը՝ ԽՍՀՄ տարիներին անվանակոչված որոշ փողոցներ կամ դպրոցներ անվանափոխելու վերաբերյալ:
Նա նկատեց, որ ավելի շատ քննարկում են Երեւանի փողոցների անունները, բայց մարզերում նույնն է. «Մտնում ես Դիլիջան, մի նորմալ հայի անունով փողոց չկա, ամենամեծ փողոցը մանկապիղծ Կալինինի անունով է կոչվում, ինչու է այդպես, չեմ հասկանում»:
Ըստ նրա, շատ անգամ փողոցների անվանափոխությունը չկատարելը պետական մարմինները պատճառաբանում են մեծ ծախսերով, բայց տիկին Թուխիկյանը դա պրիմիտիվ պատճառաբանություն է համարում:
Արփինե ՍԻՄՈՆՅԱՆ
Առաջարկում եմ Հայաստանի փողոցները դասակարգել ըստ անբարեկարգության և անվանել իշխանության ներկայացուցիչների հոր անուններով, ասենք, օրինակ, Թալեաթի փողոց, Ստալինի փողոց և այլն: Որոշ իշխանավորներ հրճվանքով կբարեկարգեն իրենց հոր փողոցները, ոմանք էլ կունենան չբարեկարգելու հիմնավոր պատճառ: Ահա այդ ոմանց փողոցները կվերանվանենք նոր հայրանուններով