Շենգավիթ վարչական շրջանի ընդհանուր իրավասության դատարանում այսօր «Ժիրայր Սեֆիլյանի եւ մյուսների» գործը մտավ դատաքննության փուլ: Առաջիկայում հարցաքննվելու են վկաները: Մեղադրող դատախազ Պետրոս Պետրոսյանը միջնորդություն արեց՝ լրատվամիջոցներին հաջորդիվ արգելել տեսանկարահանել դատաքննության ընթացքը: Դատավոր Տաթեւիկ Գրիգորյանը միջնորդությունը բավարարեց: Միեւնույն ժամանակ, պարզ չեղավ՝ լուսանկարելը եւս արգելվում է, թե ոչ:
Հատկանշական է, որ ամբաստանյալների պաշտպաններից ոչ ոք, այդ թվում՝ Կարեն Հակոբյան, Աննա Ջուվանովա, Մարինե Թովմասյան, չառարկեց միջնորդության դեմ:
Լուիզա ՍՈՒՔԻԱՍՅԱՆ
