Տավուշի մարզում վերջին 10 տարում մեղվաբուծությունը զարգացել է, ավելացել է մեղվաընտանիքների թիվը: Սակայն արտադրված մեղրի իրացումը հիմնախնդիր է մնում: Այդ խնդիրը քննարկվել է սեպտեմբերի 6-ին ՀՀ գյուղատնտեսության նախարար Իգնատի Առաքելյանի Տավուշի մարզի սահմանամերձ Սարիգյուղ այցի ժամանակ:
Մեղվաբույծների հետ հանդիպմանը մասնակցել են նաեւ Տավուշի մարզպետ Հովիկ Աբովյանը, ՀՀ մեղվաբուծության ֆեդերացիայի նախագահ Ռոզա Ծառուկյանը:
Տիկին Ծառուկյանը հայտնել է, որ Տավուշի մարզում արտադրված մեղրն իր որակական բարձր հատկանիշների շնորհիվ մեծ պահանջարկ ունի արտասահմանյան շուկայում, այդ թվում` Չինաստանում, սակայն մեղրի հավաքագրման կետի բացակայությունը խոչընդոտում է մեղվաբուծական արտադրանքի արտահանման կազմակերպմանը:
Սարիգյուղ համայնքի ղեկավար Կոմիտաս Էլլարյանը հայտնեց, որ «Ծառուկյան» բարեգործական հիմնադրամը 2018թ. տարվա գարնանը սահմանամերձ Սեւքար եւ Սարիգյուղ համայնքներին կնվիրի մեղր քամող մեքենաներ:
Ոսկան ՍԱՐԳՍՅԱՆ
