«Ազատություն». Փարիզի 17-րդ դատարանը չեղյալ հայտարարեց «Լե նուվել դ՛Արմենի» հանդեսի կայքէջի տնօրեն Արա Թորանյանի և նրա գործակից Սամ Թիլբյանի դեմ պատմաբան Մաքսիմ Գոնի կողմից ներկայացված բողոքը: Թուրքական հետազոտական մի հաստատության կողմից ֆինանսավորվող այդ հետազոտողը սրանից մեկ ամիս առաջ ներկայացրած բողոքում Արա Թորանյանին և Սամ Թիլբյանին մեղադրել է իրեն զրպարտելու և անվանարկելու մեջ:
Մի քանի տարի առաջ հրապարակած իր հոդվածներից մեկում Արա Թորանյանը Մաքսիմ Գոնին համեմատել էր հրեական ցեղասպանությունը ժխտող Ռոբեր Ֆորիսոնի հետ, իսկ Սամ Թիլբյանը Գոնին անվանել էր «թուրքական ֆաշիզմի ծառա»: Դատարանը համարել է, որ այդ խոսքերն ու որակումները հնչեցվել են խորհրդատվության շրջանակում, և որ Մաքսիմ Գոնի ներկայացրած մեղադրանքներն անհիմն են:
Ինչ վերաբերում է երկու ֆրանսահայ երիտասարդներն, որոնք կարմիր գույնով ներկված ջուր էին լցրել Թուրքիայի դեսպանի վրա, դատարանն այդ արարքի համար նրանց համար բավականաչափ մեղմ պատիժ է սահմանել, մինչդեռ հայցվոր կողմը պահանջում էր վերջիններիս մի քանի ամսով ազատազրկել:
