«Երեւանի Ն. Աճեմյանի անվան տարածաշրջանային թիվ 2 պետական քոլեջում ստուգումներ կսկսենք»,- «Առավոտին» հավաստիացրեց ԿԳ նախարար Լեւոն Մկրտչյանը: Ահազանգը ստացվել էր նույն հաստատության նախկին փոխտնօրեն, այժմ դաստիարակչական աշխատանքների գծով բաժնի վարիչ Մխիթար Պատվականյանից: Վերջինս պնդում է, որ ունեն 100-ից ավելի հովանավորվող ուսանողներ, որոնք ձեւակերպված են անհատական ուսուցման սկզբունքով, դասի չեն գալիս, սակայն կրթաթոշակ են ստանում:
Պարոն Պատվականյանը այդ մասին նամակ էր ուղղել ԿԳ նախարարին եւ ահազանգել, իր ձեւակերպմամբ, այլ խախտումների մասին եւս: Քոլեջի տնօրեն Կառլեն Հայրապետյանը, սակայն, «Առավոտի» հետ զրույցում հերյուրանք էր որակել այդ ամենը, նաեւ հերքել աշխատակցի այն պնդումը, թե իր գլխին «գործ են սարքում», որ ազատվեն իրենից:
ԳՈՀԱՐ ՀԱԿՈԲՅԱՆ
«Առավոտ»
20.02.2018
Նույն դժոխային ճանապարհն էլ ես եմ անցել և անցնում եմ, շատ լավ եմ հասկանում պարոն Պատվականյանին,արդար աշխատանքը անպայման պատժվում է քոլեջներում: