Լրահոս
Օրվա լրահոսը

«Եկեք գրազ գանք». Կոստանյանը վիճեց Արտակ Զեյնալյանի հետ ու Մարուքյանի հետ փորձեց գրազ գալ, որ ինքը ճիշտ է

Հոկտեմբեր 19,2018 12:32

Այսօր ԱԺ պետաիրավական հարցերի հանձնաժողովում «Ընտրական օրենսգրքի» քննարկման ժամանակ հանձնաժողովի նախագահ Գեւորգ Կոստանյանն ու արդարադատության նախարար Արտակ Զեյնալյանը բանավեճ ունեցան:

Կոստանյանը հարց ուղղեց Զեյնալյանին՝ «Դուք առաջարկում եք, որ առնվազն 4 խմբակցություն լինի ԱԺ-ում, որ ապահովի կայունություն, բայց նույն օրենքով այնպիսի համադրություն է սահմանված սահմանադրական օրենքների ընդունման, որ ուզում է 20 կուսակցություն ներկայացված լինի ԱԺ-ում, մի ուժ է որոշելու՝ Սահմանադրությունը փոփոխվի՞, թե՞ ոչ»: Ըստ նրա, պետք է ռիսկերը գնահատել»:

Զեյնալյանը պատասխանեց, որ 2/3-ը բացարձակ սկզբունք չէ եւ երաշխավորած է, երաշխավորված է քաղաքական կայուն մեծամասնությունը՝ 54 տոկոսը. «2/3 կլինի ԱԺ-ում քաղաքական մեծամասնությունը, պայմանավորված է այդ քաղաքական ուժի վարկանիշով՝ ժողովրդավարական ընտրությունների արդյունքում, որտեղ ազատորեն է ձեւավորվել կամքը: Մենք մի մեխանիզմ ենք փորձում ստեղծել, որը պիտի հակակշռի ժողովրդավարությանը՝ ապահովելու բազմակարծությունը»:

Քննարկման ընթացքում, երբ Զեյնալյանն էր փորձում ռեպլիկներ անել՝ Կոստանյանը թույլ չէր տալիս: Իսկ մինչ Զեյնալյանը կպատասխաներ հարցին, խոսքը դեռ չավարտած՝ Կոստանյանը միջամտեց ու ռեպլիկ արեց՝ «Ուզում եք ժողովրդավարությա՞նը հակակշռել, այո, տեսականորեն հակակշռում եք, բայց գործնականում մնում է նույնը»:

Զեյնալյանը հորդորեց իր խոսելու ժամանակ ռեպլիկներ չանել, թողնել, որ խոսքն ավարտի. «Ինձ թույլ չեք տալիս ռեպլիկներ անել, դուք եք անում»:

Կոստանյանը պատասխանեց. «Ես նախագահողի իրավունքով այդ իրավունքն ունեմ, պարոն Զեյնալյան, դուք չունեք»:

Զեյնալյանը զարմացավ՝ «Նախագահողն իրավունք ունի զեկուցողին ընդհատել ու ինչքան ուզենա ռեպլիկնե՞ր անել»: Կոստանյանը վստահեցրեց, որ ունի եւ հորդորեց «ԱԺ կանոնակարգ» օրենքը նայել: Պատգամավորներից ոմանք, մասնավորապես Էդմոն Մարուքյանը, նաեւ Զեյնալյանը վստահեցրին, որ նման բան չկա: Կոստանյանն առաջարկեց. «Եկեք գրազ գանք, եկե՛ք»:

Նախարարը նեղվեց՝ եթե ինձ ընդհատում եք, նշանակում է մենք հավասարության պայմաններում չենք ու ինչպես ուզենաք՝ կարող եք ուղղորդել:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2018
Երկ Երե Չոր Հնգ Ուրբ Շաբ Կիր
« Սեպ   Նոյ »
1234567
891011121314
15161718192021
22232425262728
293031