ՀՀ բարձրագույն դատական խորհրդի մի քանի անդամներ, այդ թվում` դատավորներ Անի Մխիթարյանը եւ Արմեն Բեկթաշյանը, քիչ առաջ եկան ցուցարարների շրջափակումից ազատված շենք։ Լրագրողների հարցադրումներին նրանք չարձագանքեցին, ասացին, որ աշխատանքի են եկել եւ չբացառեցին, որ նիստ կանեն։
ԲԴԽ լրատվության և հասարակայնության հետ կապերի վարչության ղեկավար Արման Խաչատրյանը, սակայն, լրագրողներին տեղեկացրեց` նիստը չի լինելու, որովհետեւ ԲԴԽ նախագահ Գագիկ Հարությունյանը չի կարողացել մասնակցել վարչապետի մոտ հրավիրված խորհրդակցությանը։
Հիշեցնենք, որ վարչապետ Նիկոլ Փաշինյանի կոչով այսօր դատարանների շենքերը շրջափակվել էին։ ԲԴԽ-ն հայտարարել էր, որ իրավիճակի մասին հայտարարություն կանի այսօր։
ԲԴԽ նախագահ, ՀՀ սահմանադրական դատարանի նախկին նախագահ Գագիկ Հարությունյանը շենքում էր։ Նա շրջափակման պատճառով չկարողացավ մասնակցել վարչապետի մոտ հրավիրված խորհրդակցությանը։
Կարդացեք նաև
Լուիզա ՍՈՒՔԻԱՍՅԱՆ
