Հաշմանդամություն ունեցողները պետության հատկացրած հավաստագրով ձեռք են բերում սայլակ, բայց բոլորը դժգոհում են դրա որակից: Այս մասին այսօր 2018թ.-ի բյուջեի կատարողականի քննարկման ժամանակ ԱԺ-ում հայտարարեց «Իմ քայլը» խմբակցության պատգամավոր Արփինե Դավոյանը: «Նրանք անպայման իրենց գրպանից գումար են դնում՝ ավելացնելով պետության հատկացրած գումարին, որպեսզի իրենց կարիքներին հարմար սայլակ գնեն: Գուցե գումարի վերաբաշխո՞ւմ անեք»,-դիմեց Արփինե Դավոյանն Աշխատանքի եւ սոցիալական հարցերի փոխնախարար Սմբատ Սաիյանին:
Վերջինս պատասխանեց. «Եթե պետությունը մի տեսակի սայլակ է տալիս, այս դեպքում պետք է մտածել միջոցներն ավելացնելու մասին: Քաղաքացին ընտրում է սայլակը, իսկ պետությունը հավաստագրով հատկացնում է 95.000 դրամ: Ամեն մեկն էլ կցանկանա ավելի կատարյալ սայլակ ունենալ, իսկ պետությունը պետք է հասկանա իր հնարավորությունների շրջանակը: Բայց որ այստեղ գումարի ավելացման խնդիր կա, երկրորդ կարծիք չկա: Այդ առնչությամբ քննարկումներ կծավալենք»:
Լուիզա ՍՈՒՔԻԱՍՅԱՆ
Կարդացեք նաև
