Չինաստանի արտակարգ իրավիճակների կառավարման նախարարության եւ ՀՀ Գիտության կոմիտեի գործակցության արդյունքում առաջիկայում տասը սեյսմիկ կայաններ են կառուցվելու Սպիտակի մոտ եւ Գյումրիում՝ չինական կողմի միջոցներով: Այս մասին այսօր «Արմենպրես»-ում լրագրողների հետ հանդիպմանը հայտարարեց ՀՀ Գիտության կոմիտեի նախագահ Սամվել Հարությունյանը:
Նրա փոխանցմամբ՝ սեյսմիկ անվտանգության խնդիրներն ուսումնասիրող կայանների կառուցման գործընթացն արդեն սկսված է. «Դրանք բարձր որակի կայաններ են, որոնք անվտանգության մակարդակը կավելացնեն»:
Սամվել Հարությունյանը նշեց, որ աշխարհում սեյսմիկ անվտանգության մի քանի ցանց կա, որոնցից մեկը Չինաստանն է ստեղծել, եւ Հայաստանն առաջիկայում հավակնում է անդամագրվել այդ ցանցին. «Այս ծրագրով շատ հետաքրքրված է նաեւ ՀՀ Արտակարգ իրավիճակների նախարարությունը: Եթե մտնում ենք այդ ցանցի մեջ, այլ երկրների՝ սեյսմիկ անվտանգությանն առնչվող տեղեկատվությունն էլ ենք կարողանում օգտագործել՝ մեր կանխատեսումների համար»:
Կարդացեք նաև
Ուղիղ։ Առաջիկայում ինչ ձեռքբերումներ են սպասվում գիտության ոլորտում։ Մեկնաբանում է ՀՀ Գիտության կոմիտեի նախագահ Սամվել Հարությունյանը
Gepostet von Aravot am Donnerstag, 25. Juli 2019
Լուիզա ՍՈՒՔԻԱՍՅԱՆ
