Այսօր քաղաքացիական ակտիվիստ Վարդգես Գասպարին Երեւանի քաղաքապետարանի առջեւ բողոքի ցույց էր անում: Նա, ինչպես միշտ, իր բողոքը պառկած էր արտահայտում: Գասպարիի ցույցի ժամանակ քաղաքապետարանում Երեւանի ավագանու նիստ էր տեղի ունենում:
Պարոն Գասպարին ձեռքին պաստառ էր պահել, որտեղ գրված էր՝ «14 տարի + 14 ամիս»: Ինչը, նրա մեկնաբանմամբ նշանակում է՝ 14 տարի իրեն շենքի մուտքի իրավունք չեն տվել, 14 ամիս էլ նոր իշխանությունները չեն տալիս:
Նրա խոսքով, մեկ տարի առաջ դիմել է Երեւանի քաղաքապետարան՝ ճշտելու՝ արդյոք իրենց շենքի սեյսմակայունությանը վտանգ չի հասցնում շենքի հարեւանությամբ իրականացվող շինարարությունը, որի հետեւանքով արդեն որոշակի խնդիրներ են առաջացել: Սակայն մեկ տարի շարունակ նա ոչ մի պատասխան չի ստացել:
Լուսինե ԲՈՒԴԱՂՅԱՆ
