Համեղ, գեղեցիկ, օգտակար այս բուսական ուտեստը կհավանեն ոչ միայն բուսակերները, այլեւ մսակերները:
Անհրաժեշտ մթերքները
Թարմ պղպեղ- 1 կգ
Սոխ- 3-4 գլուխ
Կարդացեք նաև
Գազար-4-5 հատ
Սխտոր-4-5 պճեղ
Պահածոյացված եգիպտացորեն- 1 տուփ
Մաքրած եւ կտրատած լոլիկներ- 4-5 հատ (կարելի է փոխարինել 400-500 գրամ լեչոյով)
Բուսական յուղ- 5-6 ճաշի գդալ
Քացախ-3 ճաշի գդալ
Չոր կանաչի եւ համեմունքներ-ըստ ճաշակի
Թարմ կանաչի- մի քանի ճյուղ
Պանիր- 150 գրամ (ցանկացած տեսակի, այդ թվում՝ լոռի կամ չանախ)
Պատրաստման եղանակը
Պղպեղները կարող եք լցոնել ինչպես թարմ վիճակում, այնպես էլ՝ նախապես խորոված: Կարող եք լցոնն ավելացնելուց հետո վրան պանիր դնել՝ ջեռոցը դնելուց առաջ, կարող եք այդ պահը բաց թողնել:
Բուսական յուղի մեջ տապակեք սոխերը: Եթե տարբեր տեսակի սոխ ունեք, սկզբում կարմիրը տապակեք, ապա՝ սպիտակը, վերջում՝ պրասը: Երբ սոխը բավականին տապակված լինի, ավելացրեք սխտորը, ապա՝ քերած գազարը: Եթե ունեք դդմիկ կամ սմբուկ, կարող եք դրանք էլ ծղոտաձեւ կտրատել եւ ավելացնել բանջարեղենին: Բանջարեղենի տապակվելուց հետո, ավելացրեք չոր համեմունքները, չորացրած կանչիները, քացախը, վերջում՝ պահածոյացված եգիպտացորենը եւ թարմ կանաչին: Կրակից վերցրեք եւ թողեք մի փոքր հովանա:
Թարմ պղպեղների գլխիկները կտրեք, մեջտեղից գրպանիկի պես կտրվածս արեք, լցոնը տեղադրեք եւ դրեք 200 աստիճան տաքացրած ջեռոցը 20-25 րոպեով:
Եթե խորոված պղպեղներ եք լցոնելու, կեղեւահանեք, լցոնեք, վրան մի կտոր պանիր դրեք ու կրկին դրեք ջեռոցը՝ 10-12 րոպեով:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
