Ինչպես արդեն տեղեկացրել ենք, ՀՀ վարչապետ Նիկոլ Փաշինյանը Լոս Անջելեսում է: Քիչ առաջ ֆեյսբուքյան ուղիղ եթերում նա տեղեկացրեց, որ հանդիպում է ԱՄՆ արևմտյան ափի Սոցիալ-դեմոկրատ հնչակյան կուսակցության ղեկավար կազմի հետ:
Նա անկեղծացավ. «Այս այցն ինչքան էլ ուզում ենք գործնականացնել, շատ ավելի էմոցիոնալ է ստացվում, քան գործնական: Համենայն դեպս, դա վատ չէ, քանի որ դա ավելի լավ ֆոն է ստեղծում գործնական օրակարգի, մեր երկրի, ժողովրդի հետ կապված օրակարգի բազմաթիվ հարցեր շատ ավելի լավ մթնոլորտում քննարկելու համար»:
ԱՄՆ Արևմտյան ափի Հայկական դեմոկրատ ազատական (Ռամկավար) կուսակցության ղեկավար կազմի հետ հանդիպմանը Նիկոլ Փաշինյանն ասաց՝ սա լավ առիթ է Լոս Անջելեսում հանդիպել, քննարկել. «Մենք բարձր ենք գնահատում ձեր կազմակերպությանը դերը հայապահպանման գործում, ՀՀ-ում և դրա տարածքից դուրս: Մեր կառավարության կարևորագույն խնդիրներից է այն դրական ֆոնը, որն առկա է ՀՀ կառավարության և սփյուռքահայության միջև ոչ միայն պահպանել ու զարգացնել, այլև դարձնել մշտական ՀՀ բոլոր կառավարությունների համար: Այսօրվա մեր իրավիճակում հաջողությունները գեներացնելու, կրկնապատկելու, եռապատկելու և ազգային արդյունքի վերածելու համար կարևոր է ճիշտ աշխատանքային մեխանիզմների ստեղծումը, սփյուռքի հետ հարաբերությունները, այնպես անել, որ ամբողջ սփյուռքն իրեն զգա ՀՀ-ի լիարժեք շահառու»:
Տաթև ՀԱՐՈՒԹՅՈՒՆՅԱՆ
Կարդացեք նաև
