Այսօր կառավարության շենքի մոտ արցախյան պատերազմում զոհվածների ծնողները կրկին բողոքի ցույց էին անում. նրանց պահանջը նույնն է՝ պետական աջակցություն զոհվածների ընտանիքներին:
«Զինվորի մայր» ՀԿ նախագահ Մարգարիտա Խաչատրյանն ասաց, որ զոհվածների 5646 ընտանիք այս տարիների ընթացքում ոչ մի անգամ որեւէ աջակցությունից չի օգտվել. «Մարդիկ կան` ռայոնում են ապրում, մի թղթի կտրոն են տվել՝ զոհվածի տեղեկանք, որը ոչ մի արժեք չունի: Մենք զոհվածի տեղեկանքները կտանք կառավարությանը եւ հետ կպահանջենք մեր որդիներին»:
Տիկին Խաչատրյանն ասաց, որ դեռ նախորդ ցույցերից մեկի ժամանակ վարչապետը խոստացել էր ընդունել ծնողներին. «Էն ժամանակ վարչապետն ասաց, որ գնում է արտերկիր, կվերադառնա, կզանգահարեն: Անցել է բավականին ժամանակ, զանգել եմ վարչապետի մամուլի խոսնակին, նա ասաց՝ հետ կզանգի: Մինչեւ հիմա չեն զանգել: Մենք վարչապետի նկատմամբ ոչ մի բան չունենք: Ով էլ լիներ վարչապետ՝ մենք էլի պահանջելու էինք»:
Մանրամասն՝ տեսանյութում:
Կարդացեք նաև
Նելլի ԲԱԲԱՅԱՆ
